摘要：由电视剧《我和僵尸有个约会》改编成嘅电影《驱魔龙族马小玲》正式以“网络大电影”形式同大家见面电影由2022年就开机拍摄当时官宣由黄宗泽饰演“况天佑”长腿吴千语饰演“马小玲”大家都几期待嘅点知部片越拍越耐开始仲可以见到少少路透后来拍拍下就冇咗声气渐渐大家都几乎唔

由电视剧《我和僵尸有个约会》

改编成嘅电影

《驱魔龙族马小玲》

正式以“网络大电影”形式

同大家见面

电影由2022年就开机拍摄

当时官宣由黄宗泽饰演“况天佑”

长腿吴千语饰演“马小玲”

大家都几期待嘅

点知部片越拍越耐

开始仲可以见到少少路透

后来拍拍下就冇咗声气

渐渐大家都几乎唔记得

仲有一部咁嘅电影

据闻係监制兼编剧陈十三

事事追求完美

一个镜头都拍二三十take

导致拍摄严重超预算

万绮雯&陈十三

更因为拍摄进度缓慢

演员嘅档期难就

以致凑唔齐人影响拍摄

等咗咁耐终于出得街

却沦为“网大”

连上院线嘅资格都冇埋

大家睇到流出嘅预告

就开始对呢部“网大”失望

▓▓▓▓▓▓▓▓▓▓▓░░░░努力加载中……

首先就係大家对经典组合

万绮雯&尹天照饰演嘅

马小玲&况天佑

有好深嘅情意结

觉得任何组合

都好难超越呢pair经典

新组合由千语+Bosco接手

两人颜值及格

但衰喺CP感唔强

而且大家对佢哋嘅演技

亦有所保留

陈十三之前有透露过

万绮雯会喺新电影中

以惊喜形式出现

喺预告中

万绮雯被标注为“友情出演”

just出现1秒镜头

凌厉眼神都即刻被观众认出

睇嚟大家对佢嘅爱

唔係一星半点

网友睇翻万绮雯依家嘅状态

依然人fit样靓

唔明点解唔俾多啲戏份佢

或者用翻佢做“马小玲”

可能更有吸引力

依家新版嘅海报

居然仲係黄宗泽做大头

说好的“马小玲”呢

再者，当年嘅《僵约》

讲人通僵尸大战

魔幻兼神秘

但因为当年嘅特效技术一般

电视剧中嘅魔幻效果

有啲年代感

时隔27年再重现经典

网友却发现佢嘅后期特效

依然胶味十足

被质疑前期拍摄超资太多

冇钱再花喺后期

//////////

唔少网友觉得

呢部剧既然係想卖情怀

就应该渗透更多

电视剧嘅元素入去

大家仲建议《驱魔龙族》

学习下对面嘅《寻秦记》

直接用翻原班人马、原本嘅片名

让怀旧进行到低

呢部《驱魔龙族马小玲》

大家会唔会睇啊

靓show开售

潮物推荐

网络平台信息综合

编辑：郭 玮

一审：曾敏妍

二审：董华海

三审：骆 苹

来源：河鸣经典片段